Duhet pranuar që veç deklaratave, akuzave dhe batutave në seancën plenare, vëmendjen më të madhe e marrin femrat në parlament.
Edhe kjo e enjte ka pasur një sërë zhvillimesh në Kuvend, ashtu si ka pasur edhe dinamika të ndryshme jashtë saj. Miqësitë e politikanëve edhe mes kampeve të kundërta kanë qenë në qendër të vëmendjes.
I tillë është edhe ky takim, që duket si një takim mes dy miqsh. Kryetarja e komisionit hetimor, Jorida Tabaku ka pasur një javë shumë të angazhuar me punën e komisionit.
Disa nga figurat kryesore politike në vend, përfshi kryeministrin Rama kanë dëshmuar përballë saj. Nga ana e saj deputetja e PD nuk i ka kursyer akuzat për rivalët politikë. Por duket se gjithë këto zhvillime i përkasin vetëm komisionit, pasi jashtë ajo gëzon marrëdhënie shumë të mira me kolegët.
Fotografi i “Panoramës” e ka fotografuar Tabakun në dy takime me ‘kundërshtarët’ e saj. Nënkryetarja e PD është takuar me ishministren e Drejtësisë, Etilda Gjonaj, por edhe me deputetin e ri Laert Duraj. Me aq sa duket nga foto, biseda mes tyre është miqësore dhe me siguri pa ngjyra politike.
/Panoramaplus.al
