Ndërkohë që pandemia nuk njeh fare zbutje shifrash, institucionet dhe mjekët bëjnë thirrje për të qenë shumë të kujdesshëm në masat parandaluese kundër Covid19.
Pikërisht për këtë arsye është bërë e detyrueshme mbajtja e maskës sapo të dalim nga shtëpitë tona.
Mirëpo ka disa individë të cilët nuk e kanë vlerësuar seriozisht këtë masë. Madje këtu mund të flasim edhe për personazhe të njohura nga bota e politikës dhe televizionit.
Pak ditë më parë, paparazzi ynë ka fotografuar kryetarin e Partisë Demokristiane dhe ish-deputetin e Grupit Parlamentar të Partisë Demokratike, Nard Ndoka, teksa ecte në këmbë në një nga rrugët kryesore të Tiranës.
Ajo që të bie në sy është veshja e tij sportive, mjaft e këndshme, por nuk ka vënë maskën. Në këtë mënyrë ai kthehet në rrezik potencial për të infektuar dhe për t’u infektuar.
Të njëjtën pakujdesi ka pasur edhe drejtori i “Fiks Fare”, Filip Çakuli. Ai, edhe pse shoqërohej nga dy miq të cilët mbanin maska, për vete nuk e ka vënë. Shpresojmë të ketë qenë rastësi mungesa e maskave nga ana e tyre.
/Panoramaplus.al
