Kim Kardashian dhe Lewis Hamilton janë fotografuar duke kaluar momente të afërta në një plazh në Malibu.
Të dy u panë duke ecur përgjatë bregut dhe duke shijuar një shëtitje me varkë në valë. Fotot, të publikuara nga mediat e huaja, i tregojnë ata duke shkëmbyer shikime, përqafime dhe prekje të buta.
Në një nga momentet, Hamilton duket se e përqafon Kardashian, ndërsa ajo buzëqesh. Në një tjetër foto, fytyrat e tyre afrohen shumë pranë njëra-tjetrës, duke krijuar përshtypjen sikur po shkëmbejnë një puthje.
Raportimet për afrimitetin e tyre nisën që në shkurt, kur u shfaqën së bashku në Super Bowl. Megjithatë, burime mediatike sugjerojnë se ata njihen prej më shumë se një dekade dhe kanë ruajtur marrëdhënie miqësore për vite me radhë.
Sipas raportimeve, dyshja tashmë e ka bërë publike lidhjen në rrjetet sociale dhe po përpiqet të gjejë kohë për njëri-tjetrin, pavarësisht angazhimeve të shumta profesionale.
