Rita Ora vijon të rrëmbejë vëmendjen e të gjithve me stilin e saj unik në Javën e Modës në Milano.
Edhe mbrëmjen e djeshme ajo u shfaq e veshur mjaft chic teksa vuri në pah fizikun e tonifikuar. Këngëtarja e “Hot Right Now” shkëlqeu e veshur me një mini-fund, crop top dhe pallto të gjatë. Ajo e kishte plotësuar look-n e saj me një palë çorape të zeza të tejdukshme deri tek gjuri dhe taka me majë.
Këngëtarja u pa teksa po dilte nga hoteli luksoz Bulgari në Milano. Me një grim minimalist dhe syze të zeza, Rita ishte një nga yjet e mbrëmjes në kryeqytetin e modës.
Ajo ka postuar në rrjetet sociale një sërë fotosh nga Milano, ku ndër të tjera takoi edhe Kim Kardashian. Takimi i tyre u pasqyrua edhe në mediat e huaja, pasi ato nuk ishin parë më bashkë pas ndarjes së Ritës nga vëllai i Kim, Rob Kardashian. Asokohe ndarja e tyre nuk ishte aspak e lehtë, por duket se Kim dhe Rita kanë lënë pas çdo gjë dhe vijojnë miqësinë e tyre.
