Millie Bobby Brown tani është një nga fytyrat më të njohura në Hollywood pas pjesëmarrjes së saj në serialin hit “Stranger Things”, por daljet e saj të fundit publike i kanë lënë fansat me pikëpyetje se pse ajo duket një dekadë më e vjetër se mosha e saj aktuale.
Dalja e aktores 21-vjeçare në tapetin e kuq për premierën e filmit të saj të ri, “The Electric State”, në Los Angeles, ka qenë shkak për më shumë komente.
Pak ditë më parë, paraqitja e saj në ndarjen e çmimeve SAG 2025 tashmë kishte lënë pa fjalë publikun në rrjetet sociale se sa e vjetër dukej. Konkretisht, një koment në platformën X thoshte për Millie Bobby Brown : ” Më duhej të kontrolloja dyfish nëse ajo mbushi 21 vjeç dhe jo 40 “, ndërsa një tjetër shtoi: “Ajo tashmë duket sikur është në të 30-at,” “Që kur u bë modë të jesh 21, por të dukesh 45?” shtoi një i tretë.
Fansat e Bobbi Brown kanë komentuar më parë se ajo mund të ketë kryer procedura kozmetike, si mbushje me injeksion, të cilët përdoren shpesh për të shtuar volumin në faqet dhe buzët.
Dr. Paul Banwell, një kirurg plastik dhe kozmetik i vlerësuar me çmime, ka thënë për Daily Mail: “Mollëzat e saj duken më të larta dhe buzët e saj më të plota, gjë që mund të jetë rezultat i mbushësve “.
Megjithatë, ai shtoi se nëse 21-vjeçarja ka bërë ndonjë operacion, ai është i matur dhe nuk “ rëndon ” fytyrën e saj, siç komentojnë disa njerëz në rrjetet sociale. Megjithatë, ai beson se ndryshimi në pamjen e saj mund të jetë thjesht për shkak të procesit natyror të plakjes.
“Struktura e kockave dhe forma e fytyrës ndryshojnë me kalimin e moshës, veçanërisht kur dikush fillon në një moshë kaq të re, si 12 vjeç.”
Në të njëjtën kohë, ai paralajmëroi se Millie nuk duhet të rrezikojë bukurinë e saj natyrore me përdorimin e tepruar të mbushësve.
Filerët janë një metodë popullore për rinovimin e lëkurës, pasi japin një pamje më të freskët dhe më të plotë. Me kalimin e kohës, ne humbim natyrshëm kolagjenin dhe yndyrën e fytyrës, gjë që mund të çojë në humbje të volumit dhe një pamje më të varur. Ndërhyrjet kozmetike më të njohura për fytyrën janë mbushësit dhe botoksi, pasi ato janë lehtësisht të arritshme dhe ofrojnë rezultate të menjëhershme, nëse bëhen siç duhet,” shtoi ai.
