Padiskutim është një nga zërat më të mirë të muzikës shqiptare dhe një personazh shumë karizmatik. Eneda Tarifa nuk ka të ndalur me aktivitetet e saj, edhe tani që ka mbaruar “The voice kids”. Me një aktivitet privat, në një lokal ku edhe këndon live, mendohej që do ishte e mjaftueshme për Enedën që të ndjehej e përmbushur, por jo.
Pak ditë më parë ajo së bashku me tre koleget e saj, gjithashtu shumë të talentuara, ndezën skenën e Pallatit të Kongresve, me “Diva Show”. Eneda Tarifa, Irma Libohova, Rovena Dilo dhe Besa Kokëdhima, sollën në kryeqytet, shijen e mirë që të lë muzika e kënduar nga profesionistët, e cila nuk zvenitet dhe sfumohet asnjëherë nga komercializmi i momentit, si gjithnjë kalimtar.
Ndërkohë për Enedën energjike, dëshira për të qenë pranë fëmijëve dhe për të kënduar bashkë me ta, nuk u përmbush mjaftueshëm mesa duket në netët e spaktaklit “The voice kids”. Ajo vijon aktivitetet me fëmijët e talentuar të atij spektakli aq të bukur. Nga profili i saj në instagram, mësuam se Eneda së bashku me skuadrën e yjeve të “The voice Kids Albania”, kënduan në mbështetje të fëmijëve me sindromën down tek Amfiteatri i Liqenit. “U kënaqëm me këta fëmijë të mrekullueshëm” – shkruan Eneda, ndërkohë që falenderon organizatoren e këtij eventi, Ori Kuçin, një emër i njohur si aktiviste për të drejtat e fëmijëve, por njihet edhe për dimensionin artistik pasi shkëlqeu në spektaklin “C’e la vie”. /PANORAMA PLUS
© Panoramaplus.al