Këngëtarja e njohur Enca Haxhia ka rikthyer sërish vëmendjen e ndjekësve me një deklaratë që ka ngritur menjëherë pikëpyetje për jetën e saj private.
E njohur për natyrën provokuese dhe postimet që shpesh bëhen virale, artistja këtë herë ka zgjedhur t’u përgjigjet fansave përmes një pyetësori në rrjetet sociale, duke zbuluar edhe statusin e saj sentimental.
Në përgjigjen që ka tërhequr më shumë vëmendje, Enca është shprehur se është “single”, duke lënë të kuptohet se aktualisht nuk është në një lidhje dhe duke “alarmuar” ndjekësit meshkuj.
Deklarata e saj ka ndezur menjëherë reagime në rrjet, ku fansat nuk kanë kursyer komentet, duke e kthyer edhe një herë në një nga emrat më të diskutuar të momentit.
Nuk është hera e parë që këngëtarja luan me kureshtjen e publikut sa i përket jetës personale, por çdo postim i saj vijon të marrë vëmendje të madhe dhe të shpërndahet me shpejtësi në rrjet.
