Enca Haxhia shquhet gjithmonë për protagonizmin e saj në rrjetet sociale, qoftë me publikime fotografish apo edhe reagime. Një lajm me disa fotografi të hershme të sajat që qarkulloi në disa nga mediat online sot ku e akuzonin se ka kryer operacione plastike, duket se e ka zemëruar keq këngëtaren e cila ka reaguar me anë të një postimi në Instastorie duke shpërthyer me të shara.
“K***vë ku i ke operacionet? Megjithatë po e marr si kompliment”- ka shkruar ajo. Pak sekonda më vonë ka bërë edhe një postim tjetër, si një përgjigje e dytë :“Oh po, kam operuar dhëmballën para ca vitesh. Isha pak më e lezetshme atëherë!”.
