Rrjetet sociale marrin një kohë të konsiderueshme nga jeta jonë e përditshme e madje mund të na bëjnë edhe të varur.
Për këtë arsye, Emina Çunmulaj mori një vendim drastik ndaj tyre ditën e djeshme.
Ish-modelja ka fikur çdo njoftim në llogarinë e saj në Instagram, në mënyrë që të ketë më shumë kohë për gjëra të rëndësishme.
“Po fik të gjitha njoftimet, kjo është rruga ime e re për të qëndruar larg rrjeteve sociale. Kam mbyllur zyrtarisht të gjitha njoftimet në celularin tim. Çdo gjë mund të pres, por koha ime jo!”, ka shkruar Çunmulaj.
Emina është nënë e dy vajzave dhe bashkëshortja e iranianit, Sam Nazarian.
