Elon Musk është rrëzuar zyrtarisht nga froni si personi më i pasur në botë. Ai nuk kryeson më listën vjetore të “Listës së Miliarderëve të Botës” të Forbes.
Shefi i Tesla-s dhe Twitter-it tani është miliarderi i dytë më i pasur, me një pasuri prej 180 miliardë dollarësh, që është 39 miliardë dollarë më pak se një vit më parë.
Vendin e parë e mban Bernard Arnault, kryetari i gjigantit francez të mallrave luksoze LVMH.
Pasuria e tij neto u rrit më shumë se 50 miliardë dollarë vitin e kaluar në 211 miliardë dollarë.
Kujtojmë që Arnault mbante fronin por u rrëzua nga Elon Musk pak muaj më parë dhe renditja ka ndryshuar sërish, me miliarderin e LVMH që është rikthyer në krye të listës.
Themeluesi i Amazon, Jeff Bezos humbi shumën më të madhe të parave nga çdo miliarder në listë (57 miliardë dollarë), duke e rënë nga vendi i dytë në të tretë.
© Panoramaplus.al