Orlando Bloom festoi dje 44-vjetorin e lindjes. Aktori i njohur nuk mund ta priste këtë ditë speciale më mirë se me një urim të veçantë nga partnerja e tij, Katy Perry.
Këngëtarja postoi në rrjete sociale foto të pa publikuara më herët të tyre. Nga fotot duke larë dhëmbët bashkë deri tek udhëtimet e tyre, Katy u dha të gjithë fansave mundësinë që të njihnin një pjesë tjetër nga jeta e çiftit të famshëm, shkruan “Billboard”.
“Gëzuar ditëlindjen e 44-të dashuria ime, baba i mrekullueshëm i Dove-s time dhe pasqyra vezulluese që sheh dhe reflekton atë që unë nuk mund ta shoh akoma.
Faleminderit që gjithmonë shtrihesh me mua dhe nuk largohesh kurrë. Kaq e lumtur që hëna ime zbuloi diellin e saj, të dua sa gjithë bota”, ka shkruar Katy përkrah fotove të tyre.
Mes fotografive nuk munguan ato të ditëve më të rëndësishme, si për shembull një imazh i yjeve nga nata kur ata u fejuan me njëri-tjetrin.
Dashuria mes Perry-t dhe Bloom-it lindin në vitin 2016-të, gjatë festës për “Golden Globes”.
Më pas, në 2017-ën ata u ndanë për pak kohë, për t’u rikthyer më të fortë se kurrë dhe për të krijuar bashkë një familje me vogëlushen e tyre, Daisy Dove.
