Megan Fox po ndërmerr hapa ligjore për t’i dhënë fund martesës së saj me aktorin, Brian Austin Green.
34-vjeçarja paraqiti të mërkurën në gjykatë kërkesën për divorc nga bashkëshorti, me të cilin ka tre fëmijë.
Vendimi i saj vjen disa ditë pasi debutoi për herë të parë në tapetin e kuq me të dashurin Machine Gun Kelly në American Music Awards, të dielën.
Green konfirmoi se është ndarja nga aktorja në muajin maj, pasi Fox u pa nën shoqërinë e reperit 30-vjeçar.
Ish-çifti janë prindër të tre djemve: Noah Shannon, 8 vjeç, Bodhi Ransom, 6 vjeç dhe Journey River, 4 vjeç.
Green dhe Fox u takuan për herë të parë në xhirimet e “Hope & Faith” në 2004, kur aktorja ishte 18-vjeçe dhe Green, 30.
Ata qëndruan në lidhje për dy vite dhe u fejuan në nëntor 2006, përpara se të ndaheshin në shkurt 2009.
Megan Fox dhe Brian Austin Green u fejuan sërish pas një viti dhe u martuan në 2010.
Pesë vite më vonë, ish-çifti pësuan sërish një krizë në martesën e tyre dhe aktorja kërkoi divorcin.
Në atë kohë, ata njoftuan se ishin në pritje të fëmijës së tretë së bashku dhe u pajtuan një vit më pas.
Pas ndarjes, Fox nisi një lidhje me reperin, me të cilin luajti në filmin e ardhshëm “Midnight in the Switchgrass”.
Në podkastin e tij, Green tha se ndarja e tyre erdhi pasi Fox u kthye në shtëpinë e tyre në Kaliforni pas disa muajsh larg njëri-tjetrin ndërsa ajo po xhironte filmin jashtë vendit me Kelly-n.
Megjithëse ndarja e tyre dukej miqësore në fillim, të dy janë përplasur që në mediat sociale, ndërsa burime thanë për “People” se Megan dhe Brian janë në mosmarrëveshje prej disa kohësh.
/Panoramaplus.al
