Olta Gixhari njoftoi dje lajmin e bukur se do të bëhet nënë për herë të parë me partnerin e saj misterioz.
Ajo publikoi një foto me të dashurin të shtrirë në breg të detit, të përqafuar me njëri-tjetrin pasi kanë bërë sërf.
Mirëpo, aktorja është siguruar që të mbulojë fytyrën e partnerit për të mos u indentifikuar si edhe fytyrën e saj.
“Mami dhe babi”- shkroi Olta në përshkrimin e fotos, duke konfirmuar lajmet se është në pritje të ëmbël.
Të shumta ishin komentet që e uronin aktoren për shtatzëninë. Ndërsa kishte edhe ndjekës që ishin kurioz për gjininë e bebit.
Një prej tyre ka hamendësuar se ajo është në pritje të djalit duke shkruar: “Urime e paske çun se qenke prishur në fytyrë. Të vijë shëndetshëm, kjo ka rëndësi.”
Olta iu kthye duke thënë: “Po ku ma pe fytyrën”, duke mos dhënë detaje mbi gjininë e foshnjes.
Prej disa kohësh aktorja është zhvendosur në Spanjë ku po shijon ditët e dashurisë me partnerin e saj.
Madje janë aq të lumtur në krahët e njëri-tjetrit saqë kanë ndërmarrë hapin për të krijuar familje së bashku.
/Panoramaplus.al
