Dua Lipa ka mbajtur mbrëmjen e djeshme në arenën më të famshme në botë, “Madison Square Garden” një koncert. Kështu që nuk është çudi që Dua Lipa duhej të shkëlqente.
Këngëtarja shqiptare, vuri edhe një herë në pah linjat e saj mahnitëse me jupsuit-in e guximshëm të qëndisura me dantella nga Balenciaga. Veshja ngjyrë neon përmban çizme dhe doreza të gjata dhe Dua është shfaqur disa herë me këtë veshje në koncertet që po mban në SHBA për turin e saj botëror. Kjo gjë është komentuar shumë nga njerëzit teksa ende nuk dihet se çfarë fshihet pas kësaj zgjedhjeje.
Teksa kishte zgjedhur një makeup minimal me tone neutrale, Dua edhe këtë herë kishte vendosur që flokët e gjatë brune t’i mbante të drejtë të ndarë në mes. Pas eksperiemnteve të shumta në karantinë me flokët e saj, këngëtarja prej kohësh ka zgjedhur të mbajë flokët natyralë.
Turneu që vjen pas publikimit të albumit të saj “Future Nostalgia” në 2020, është shtyrë disa herë për shkak të pandemisë, por më në fund filloi në Florida muajin e kaluar.
Fituesja e 3 çmimeve Grammy dhuroi një spektakël të vërtetë përpara mijëra spektatorëve. Në një moment ylli performoi një koreografi të zjarrtë duke u ulur në prehrin e një balerini dhe duke falur një kërcim sensual.
“Future Nostalgia” në mars 2021 fitoi çmimin Grammy për albumin më të mirë vokal pop dhe kënga e tij kryesore “Don’t Start Noë” arriti super suksese, duke përfshirë nominimet e Grammy për Regjistrimin e Vitit, Kënga e Vitit dhe Performancën më të Mirë Solo Pop.
© Panoramaplus.al