Fabrizio Frizzi, një nga ikonat e televizionit italian, ndërroi jetë të dielën në Romë, në moshën 60-vjeçare.
Lajmi për vdekjen e prezantuesit të famshëm u dha nga familja, e cila bëri me dije se Frizzi vdiq në spitalin “San Andrea” në Romë për shkak të një hemorragjie cerebrale.
Kanë qenë të shumtë personat e njohur publikë por jo vetëm, që kanë shprehur ngushëllimet për humbjen e Frizzi-t. Një ndër to është edhe ish-bashkëshortja e tij, Rita Dalla Chiesa, me të cilën ka patur 10 vite martesë.
E fortë dhimbja për prezantuesen, vajzën e gjeneralit të vrarë nga mafia, e cila kishte një marrëdhënie shumë të mirë me ish-burrin pavarësisht se dashuria e tyre kishte mbaruar vite më parë.
Rita e shkatërruar nga vdekja e Fabrizios ka zgjedhur që pak fjalë ti shkruaj vetëm në profilin e saj në rrjetin social “Facebook”.
“Nuk mund të fle. Por nuk shkruaj asgjë, pasi duhet të shkruaj gjithçka. E gjihçkanë, sonte preferoj ta mbaj brenda meje”, ka shkruar ajo në postimin e saj.
PANORAMA PLUS
© Panoramaplus.al