Pak ditë më parë, aktorja e famshme turke Hazar Erguçlu ka shprehur dëshirën e saj për t’u martuar me partnerin e saj 19 vite më të madh.
Aktorja e njohur nga publiku shqiptar në serialin “Shoqëri e Lartë” është shprehur se mezi po pret që të kurorëzojë në martesë dashurinë e saj me regjisorin Onur Unlu. Kjo pasi ajo ka shumë dëshirë që të bëhet nënë.
Këto deklarata nuk janë pritur aspak mirë nga fansat e aktores të njohur, pasi kanë shpërthyer në ofendime ndaj saj. Fansat shprehen se Hazar po martohet me një person që është moshën e të atit.
Si pasojë e këtyre kritikave, Erguçlu ka vendosur që të reagojë nëpërmjet një postimi në profilin e saj në “Instagram”, ku u ka kërkuar të gjithë atyre që e kanë ofenduar, që të respektojnë privatësinë e saj.
“Unë e di çfarë bëj. Familja ime e di çfarë bëj. Ne të gjithë e dimë çfarë bëni. Po ju e dini çfarë po bëni?”, shkruan aktorja.
Panorama Plus
© Panoramaplus.al