Prej disa kohësh, Demi Lovato është beqare dhe duket se po e shijon shumë këtë periudhë.
Këngëtarja 28-vjeçare, publikoi në Instastory një mesazh të shkurtër për të gjithë ndjekësit e saj, ku tregonte cila është gjëja më e mirë e të mos qenit në një lidhje, raporton “People”.
“Pjesa më e mirë e të qenit beqare është se e di që lumturia nuk më vjen nga askush tjetër përveç vetes sime”, shkroi këngëtarja.
Demi duket se është gati dhe për një ndryshim rrënjësor në jetën e saj, sepse të njëjtën gjë ka bërë edhe me “look”-un.
Këngëtarja i ka prerë flokët shumë shkurt dhe është bërë bionde. Sa herë që vajzat i japin fund një lidhjeje vendosin të ndryshojnë diçka në pamjen e tyre dhe prandaj kjo duhet të ketë qenë edhe njëra nga arsyet që e shtyu këngëtaren drejt këtij veprimi.
Në muajin korrik Lovato ishte në qendër të vëmendjes mediatike për shkak të fejesës së papritur me Max Ehrich.
Po aq papritur ata të dy i dhanë fund romancës së tyre në muajin shtator. Ishte vetë Demi që e bëri publik këtë lajm, ndërkohë që Max nuk preferoi ta pranonte në fillim, duke u shprehur se ndarjen e kishte mësuar nga mediat.
