“Çfarë ndodhi me shtatzëninë tënde?”- Ndjekësja i flet për pritjen e ëmbël, Enca Haxhia e sqaron një herë e mirë

Enca Haxhia është përfolur shpesh për format bombastike trupore, të cilat nuk lë rast pa i ekspozuar në rrjete sociale.

Së fundmi, këngëtarja zhvilloi një bisedë virtuale me ndjekësit dhe njëri prej tyre e pyeti nëse është në një lidhje me dikë.

“Jam beqare, e lumtur dhe e përmbushur”, u përgjigj artistja.

Mirëpo, një tjetër e ka pyetur se çfarë ndodhi me shtatzëninë e saj, duke i habitur të gjithë.

“Duhet të jesh duke folur për një ushqim-shtatzëni… Nuk do të jem më shtatzënë për të paktën pesë vitet e ardhshme besoj”, shkroi Enca.

Pavarësisht se në Instagram poston momente të bukura, ku shfaqet pothuajse gjithnjë e buzëqeshur, Haxhia zbuloi se ka edhe tre gjëra që nuk i duron dot tek njerëzit.

“Kur njerëzit mendojnë se jam budallaqe dhe duan të përfitojnë nga mirësjellja ime; kur njerëzit janë super egoistë dhe duan të flasin për veten 24/7; kur njerëzit kërkojnë favore gjithë kohën”, tregoi këngëtarja.

Nga mijëra ndjekës që Enca ka në Instagram, shumica janë të huaj, prandaj disa u ankuan pse ajo flet në të shumtën e kohës shqip. Megjithatë, ajo u përgjigj duke thënë se mundohet që t’i respektojë të gjithë fansat e saj duke miksuar gjuhët.