Brooklyn Beckham zbulon tatuazhin e ri që i dedikon të fejuarës së tij dhe ky është mesazhi i veçantë që përjetësoi në trup

Para disa ditësh, Brooklyn Beckham i bëri një super dedikim partneres së tij, Nicola Peltz, me rastin e 26-vjetorit të saj të lindjes.

Ndërkohë, së fundmi, ai ka bërë një tjetër veprim të adhurueshëm, për t’i shprehur gjithë dashurinë të dashurës së tij, shkruan “Mirror”.

Djali i madh i Victoria dhe David Beckham ka bërë një tatuazh në krahun e tij dedikuar Nicola-s.

Me një shkrim të madh të ngjyrosur në krahun e djathtë, shkruhet: “Jeta ime, dashuria ime, e vërteta ime, frymëmarrja ime, arsyeja ime, bukuria ime, e çmuara ime”.

Këtë imazh të tatuazhit e publikoi Nicola, e cila shkroi: “Përgjithmonë njeriu im”.

Ky tatuazh vjen vetëm pak kohë pasi Brooklyn gdhendi në krahun e tij emrin e gjyshes së ndjerë të Nicola-s, Gina. Nicola u prek shumë nga ky gjest i partnerit të saj dhe e cilësoi si dhuratën më të bukur për ditëlindje.

Brooklyn numëron rreth 30 tatuazhe në trupin e tij, duke përfshirë njërin në kraharor që lexon “djali i mamit”, gjithashtu një kupid, një trëndafil dhe një kamera.