Ajo mori vëmendjen e ndjekësve të saj në rrjetet sociale por edhe të mediave ndërkombëtare, kur u shfaq me fustan rrjetë në “Vanity Fair Oscar Party”.
Bëhet fjalë për këngëtaren shqiptare Bleona Qereti, e cila di gjithmonë se si të tërheqë vëmendjen nga vetja e saj. Pasi doli topless në tapetin e kuq, ajo publikoi edhe këngën më të re “Wicked Love”.
E teksa reklamonte pjesë nga kënga e saj, Bleona publikonte foto mjaft provokuese në rrjetin social “Instagram”. Ajo është rikthyer sërish dhe këtë herë mesa duket me një super projekt që konsiston në lancimin e një libri autobiografi ku këngëtarja do të rrëfejë detaje të padëgjuara më parë nga jeta e saj.
“Shumë krenare dhe e lumtur që do të njoftoj se libri për jetën time për të cilin ju të gjithë keni pritur aq gjatë, është më në fund në rrugën e tij”, shkruan ajo.
Më tej këngëtarja është shprehur se ka ardhur koha që ti japë fund të gjitha perceptimeve të rreme për të gjitha aspektet e jetës së saj dhe të tregojë anën e saj të historisë.
“Arma më e mirë që kam në jetën time është e vërteta. Ky libër shpjegon se çfarë do të thotë të thuash Jo dhe të marrësh një Jo si përgjigje”, shprehet Bleona duke na kujtuar kështu premtimin e saj se do të publikoj emrat e rëndësishëm ku përfshihen edhe politikanë të cilët kanë pasur flirte me këngëtaren.
Panorama Plus
© Panoramaplus.al