Besa Kokëdhima do të përfaqësojë Shqipërinë në Eurovision me “Zemrën n’dorë”! Ja kush u shpall fituesi i Festivalit të RTSH-së

Këngëtarja Besa Kokëdhima do të përfaqësojë Shqipërinë në Eurovision me këngën “Zemrën n’dorë”.

Artistja u përzgjodh nga votat e publikut për të përfaqësuar Shqipërinë në edicionin e  68-të të Eurovizion që do të mbahet në Malmo të Suedisë.

Ndërsa fituesi i Festivalit të RTSH-së, me votat e jurisë, u shpall Mal Retkoceri me këngën “Çmendur”.

Çmimi i dytë i Festivalit shkoi për Tiri Gjoci me këngën “Në ëndërr”, ndërsa këngëtari Shpat Deda u rendit në vendin e tretë me këngën “S’mund të fitoj pa ty”.