Futbollisti i Kombëtares shqiptare, Armando Sadiku, i cili aktualisht luan në kampionatin Indian, me skuadrën e Mohun Began është bërë baba për herë të dytë.
Në jetë ka ardhur djali i dytë i familjes, Leoni dhe lajmin e ka dhënë bashkëshortja e futbollistit, Elona nëpërmjet një postimi në Instagram.
“Përshëndetje botë. Unë jam Leon, anëtari më i ri i familjes”, shkruan ajo.
Kujtojmë që çifti u bënë prindër për herë të parë në tetor të vitit 2021, me djalin e tyre , Luisin.
Sadiku nuk mori një ftesë nga tekniku Sylvinho për miqësoret e marsit edhe pse është duke kaluar një formë shumë të mirë në Indi.
Sulmuesi elbasanas, mbahet mend më së shumti për golin e parë dhe të vetëm deri më tani të shënuar nga kombëtarja në një Evropian, atë përballë Rumanisë, që na dha edhe fitoren.
© Panoramaplus.al
