Ariana Grande ka zbuluar se është fejuar me të dashurin e saj, Dalton Gomez.
Këngëtarja e hitit “Sweetener”, e cila është 27 vjeç, publikoi në llogarinë e saj në Instagram disa foto, ku shfaqej bashkë me partnerin.
Ajo që ra menjëherë në sy ishte unaza e madhe prej diamanti dhe në këtë mënyrë, këngëtarja me famë botërore ndau lajmin e bukur me të gjithë, raporton “Mirror”.
Unaza ka përveç diamantit edhe një perlë të bardhë të bashkangjitur teksa rrethi duket të jetë ar.
“Përgjithmonë…”-ka shkruar ajo krah fotove romantike!
Në postimin e saj kanë vërshuar menjëherë urime të shumta nga miq, kolegë e fansa, ndonëse askush s’mund ta fsheh habinë nga ky lajm.
Lajmi për fejesën e çiftit vjen pas rreth një viti që nga thashethemet e para për romancën e tyre. Daljen e tyre të parë publike ata e bënë në mars për videoklipin e Ariana-s dhe Justin Bieber-it, “Stuck With U.”
Në video, Dalton dhe këngëtarja kërcenin së bashku në një dhomë gjumi.
Më pas në muajin tetor mediat e huaja raportuan se ata janë “kokë e këmbë” të dashuruar me njëri-tjetrin.
Teksa e përshkruanin marrëdhënie shumë të shëndetshme, mediat shkruanin se ata duan thjesht të jenë ‘normalë’ dhe Ariana-s i pëlqen që ai është shumë me këmbë në tokë.
Ai e ekuilibron atë nga industria e muzikës dhe bota e famës, prandaj të dy kalojnë edhe shumë kohë së bashku.
© Panoramaplus.al