Këngëtari Ardian Bujupi deri më tani është treguar gjithmonë i rezervuar mbi jetën private.
Së fundmi, artisti ka zhvilluar një bashkëbisedim me ndjekësit e tij, ku është pyetur rreth çështjeve të ndryshme, qofshin këto personale apo profesionale.
Ndër të tjera, ai ka publikuar disa imazhe nga një dasmë kurde, nga ku vetë Ardiani ishte i ftuar.
Një nga ndjekësit ‘shfrytëzoi rastin’ për të provokuar këngëtarin duke i shkruar “Tani e ke radhën ti”, duke nënkuptuar martesën.
“Po, me Madison Beer”, është përgjigjur me humor Ardiani, krahas fotos së saj që publikoi në Instastory.
Bëhet fjalë pikërisht për këngëtaren dhe tekst-shkruesen amerikane, Madison Beer.
Pak kohë më parë, ai u përfol për një lidhje me Sabrine, por nuk janë parë më së bashku.
Thashethemet për një lidhje mes tyre u përhapën pas këngës “Modela”, në të cilën Sabrine ishte protagoniste e klipit.
