Aktorja e njohur bën deklaratën e fortë: Jam transgjinor dhe dua të më thërrisni me “ai”

Aktorja e njohur, Elliot Page, deklaroi të martën se është transgjinor.

Në një postim të gjatë në rrjete sociale, Page kërkon t’i drejtohen me “ai” dhe falënderon këdo që e ka mbështetur në këtë rrugëtim të gjatë e të vështirë, raporton “New York Times”.

“Përshëndetje miq, dua të ndaj me ju se jam trans, më thërrisni me ai dhe emri im është Elliot. Ndihem me fat që po e shkruaj këtë, që kam arritur këtu. Jam mirënjohës për njerëzit që më kanë mbështetur gjatë këtij rrugëtimi.

Nuk mund ta përshkruaj sesa i lumtur jam që më në fund e dashuroj veten time ashtu siç jam. Jam frymëzuar nga shumë komunitete trans”- ka shkruar ndër të tjera Page.

Page, një aktor dhe producent 33-vjeçar nga Kanadaja, është martuar me koreografen Emma Portner në vitin 2018.

Personazhe të famshëm dhe kolegë e kanë mbështetur Page për faktin që zgjodhi të thotë hapur të vërtetën.