Aktorja Luann De Lesseps, e cila u bë e njohur nga pjesëmarrja tek “Real Housewives Of New York”, ka ndarë në rrjete sociale një fotografi ku tregon trupin e mrekullueshëm në plazhin Tulum, në Meksikë.
55-vjeçarja kishte zgjedhur bikini të bardha, teksa flokët i kishte lënë të lëshuar, shkruan “Daily Mail”.
Ndonëse mbante syze dielli, lehtësisht mund të dallohej që bukuroshja nuk kishte asnjë pikë make up-i.
Komentet ishin plot me mesazhe pozitive për Luann, e cila mori shumë pëlqime po ashtu.
Luann, e cila dikur njihej si “Kontesha” për shkak të martesës së parë me Kontin Alexandre De Lesseps, dukej mahnitëse teksa pozonte buzë detit.
Ajo është divorcuar dy herë deri tani dhe ka dy fëmijë. Ndërkohë së fundmi ka nisur një romancë të re me Garth Wakeford.
