Cardi B festoi ditëlindjen e saj të shtunën në mbrëmje, ku mes të ftuarve ishte edhe ish-partneri, Offset.
Të dy janë parë duke u puthur në fotot e publikuara nga festa në Las Vegas, një muaj pas ndarjes, raporton “Etonline”. Reperi postoi në Instagram disa prapaskena nga 28-vjetori i lindjes, ku Cardi B shihej duke kërcyer dhe qeshur.
Por, duket se puthjet romantike dhe dhuratat e shtrenjta, reperi nuk i ka publikuar. Më vonë gjatë mbrëmjes ata janë fotografuar duke u puthur në buzë, gjë që tregon se janë sërish bashkë.
Për më tepër, është mësuar se Offset i ka blerë Cardi B një makinë “Rolls Royce” me një dizajn special, sepse në sedilje ishte qëndisur emri i vajzës së tyre, Kulture.
Cardi bëri kërkesë për divorc nga Offset në shtator. Ajo njoftoi ndarjen e tyre në mediat sociale, ku tregoi se ishte thjesht e lodhur duke argumentuar kaq shumë.
Cardi shtoi se nuk po divorcohej për publicitet dhe se ishte ndarë miqësisht me partnerin, pa urrejtje dhe pa i uruar asgjë të keqe.
