Yllit i filmit “Hunger Games”, Jennifer Lawrence i pëlqen të qëndrojë larg vëmendjes sa më shumë që të jetë e mundur dhe pranon se është “vërtet e vrazhdë” me personat që i kërkojnë të bëjnë një foto me të.
Ajo tha për numrin e ri të revistës Vanity Fair: “Mund të mendosh se më njeh, por kur më afrohesh je krejtësisht i huaj për mua dhe të. kam frikë. Jam shumë protektive për hapësirën time. M’u desh shumë kohë për ta bërë këtë.
“Nëse unë jam duke ngrënë darkë dhe dikush vjen dhe një blic fiket nga kamera e iPhone-it të dikujt, unë jam vërtet e pasjellshme me atë person. Pastaj njerëzit e tjerë në restorant do të shohin dhe do të thonë: “Oh, dreq, nuk dua ta bëj këtë.” Privatësia është një punë me kohë të plotë dhe unë punoj shumë për të.”
Ndërkohë, aktorja 26-vjeçare ka treguar më parë se ka 10 fotografë që qëndrojnë jashtë shtëpisë së saj.
Ajo tregoi: “ Kisha fatin që pas mbarimit të xhirimeve të ‘Hunger Game ‘ të shkoja me pushime me disa nga të shoqet e mia, por më pas zbuluam se një paparac i neveritshëm na kishte ndjekur me aparatin e tij fotografik. Kështu që i shkatërroi psuhimet që ne kishim planifikuar dhe u larguam pas dy ditësh.”
“Janë 10 fotografë që qëndrojnë jashtë shtëpisë sime dhe unë i shoh çdo mëngjes. Kam folur shumë për këtë me aktorë të tjerë që kanë të njëjtat probleme, por ne nuk na pëlqen të ankohemi për këtë, sepse nëse e bëjmë këtë, njerëzit thonë “Heshtni, milionerë” .’ Dhe po, ne jemi me fat, por unë meritoj të drejtën të kem kontroll mbi imazhin tim.
