Zëvendëspresidenti i Shtetet e Bashkuara të Amerikës, JD Vance, deklaroi se ka besim të plotë te presidenti Donald Trump në mënyrën se si po trajton luftën kundër Iran.
Gjatë një deklarate për mediat, Vance u pyet nga një gazetar nëse kishte rezerva lidhur me përfshirjen e SHBA-së në konflikt, duke pasur parasysh kritikat që ai kishte bërë në të kaluarën ndaj ndërhyrjeve amerikane në Lindjen e Mesme, para se të merrte post qeveritar.
Në përgjigje, zëvendëspresidenti akuzoi gazetarin se po përpiqej të krijonte përçarje mes tij dhe presidentit Trump.
Ai theksoi se situata aktuale është ndryshe nga e kaluara, duke argumentuar se sot në krye të vendit është një president që, sipas tij, di të marrë vendimet e duhura.
“Unë i besoj presidentit Trump se do ta kryejë këtë detyrë dhe se do të bëjë një punë të mirë për popullin amerikan, duke u siguruar që gabimet e së kaluarës të mos përsëriten”, deklaroi Vance.
© Panorama.al
