Luka Modriç vazhdon të sfidojë moshën.
Mesfushori kroat ka regjistruar një statistikë të jashtëzakonshme, duke u bërë i vetmi mesfushor mbi 35 vjeç që në 20 sezonet e fundit ka kompletuar 2000 pasime në një nga kampionatet e mëdha europiane.
Milani vazhdon përgatitjet për sezonin e ri dhe punën për ndërtimin e një skuadre konkurruese.
Ndërsa Ruben Amorim vijon punën në fushë me ekipin, drejtuesit kuqezi po punojnë paralelisht në merkato. Ndërkohë, Milani ka zgjidhur edhe çështjen e Luka Modriçit.
Mesfushori kroat do të vazhdojë të jetë pjesë e skuadrës kuqezi, duke u konfirmuar si një figurë e rëndësishme si në dhomën e zhveshjes, ashtu edhe në fushë. Përvoja e tij, cilësia teknike dhe aftësia për të udhëhequr grupin e kanë bërë një element të çmuar që prej mbërritjes së tij në Milano.
Sipas të dhënave të Opta-s, statistika më mbresëlënëse është se Modriç është i vetmi mesfushor mbi 35 vjeç në 20 sezonet e fundit që ka arritur të kompletojë 2000 pasime në një nga pesë kampionatet e mëdha europiane.
Një tjetër rekord që tregon jetëgjatësinë dhe klasën e një prej mesfushorëve më të mëdhenj të brezit të tij. /Panorama Sport/
© Panorama.al
