Policia e Bolonjës arrestoi një 35-vjeçar shqiptar, që akuzohet për përfshirje në trafikun e lëndëve narkotike në Itali.
Gjatë aksionit, të riut i janë gjetur 4 kilogramë marijuanë. Pas gjashtë arrestimeve të mëparshme për trafik kokaine të fortë, oficerët vunë nën mbikëqyrje një apartament në Via Marzabotto.
Gjatë një kontrolli disa netë më parë, ata vunë re aktivitet të dyshimtë nga ana e shqiptarit. Kontrollet zbuluan një histori të mëparshme të transportimit të 400 kilogramëve marijuanë në Brindizi.
Kontrolli u zgjerua më pas në makinën dhe çantën e tij, brenda së cilës u gjet një pako që përmbante një kilogram drogë. Kontrolli u zgjerua në shtëpinë e 35-vjeçarit: mbi tre kilogramë marijuanë u gjetën brenda një valixhe, informon media italiane.
I dyshuari u arrestua për posedim dhe trafikim të lëndëve narkotike dhe u dërgua në burg.
© Panorama.al
