Një heqje e follow-it në Instagram, është një arsyje e mjaftueshme në ditët e sotme për të aluduar për ndarje midis çifteve të njohur.
E fundit që përflitet që i ka dhënë fund lidhjes së saj me Sin Boy-n është Rina Balaj. Ndonëse akoma nuk kemi një konfirmim zyrtar nga palët në lidhje me këtë çështje, duket se këngëtarja po vazhdon jetën e saj normalisht.
Së fundmi, Rina ka ripostuar një foto të saj në palestër me politikanin e njohur, Ramush Haradinaj. Siç dihet palestra është një pjesë e pandashme e Balajt. Nga fotoja duket se artistja ushtrohet në të njëjtin vend me liderin e AAK-së, ku nuk kanë hezituar të shkrepin edhe një foto së bashku.
Sakaq kujtojmë që po bëhen thuajse katër vite që nga koha kur Rina Balaj dhe reperi Sin Boy nisën romancën e tyre, të cilën s’mundën ta mbanin dot për shumë gjatë të fshehtë nga publiku. Në 2020, kur kishin dy vite bashkë, ata konfirmuan se janë në një lidhje.
Këngëtarja e njohur, e cila u bë famshme dhe u prezantua në industrinë e muzikës si një repere ka qenë gjithashtu shumë e komentuar për lidhjen e saj me këngëtarin. Ata prej disa vitesh bashkëjetuan së bashku dhe ishin një ndër çiftet më simpatik të showbiz-it.
