Edhe pse jeton larg, Rita Ora nuk harroi të uronte të gjithë shqiptarët me rastin e Ditës së Pavarësisë.
Rita ka postuar dy foto, ku shihet se ka veshur çizme të kuqe me shqiponjë, dhe videon nga koncerti i saj në Kosovë duke kërcyer vallen e Rugovës.
“Urime Dita e Flamurit!!!! 28 nëntori! Gëzuar Ditën e Pavarësisë! Faleminderit fansave të mi të mrekullueshëm për këtë video. Ju dua”-ka shkruar ajo krah videos.
Kaq ka mjaftuar që fotot e saj të bëjnë xhiron e rrjetit dhe të marrin mijëra komente nga shqiptarët në mbarë botën, të cilët i bëri bashkë kjo festë.
Rita postoi në Instastory edhe një foto nga fëmijëria, ku shfaqet e veshur me një jelek tradicional dhe si dukt kjo foto është shkrepur gjatë së njëjtës festë.
Më herët ditën e sotme edhe Dua Lipa uroi në shqip para gjithë botës të gjithë shqiptarë.
Dua ka postuar një foto ku shfaqet duke valëvitur në krahë flamurin kuq e zi, ndërsa krahas saj ka shkruar:
“28 nëntori!!! Dita e Flamurit!!! Krenare që jam shqiptare! Gëzuar ditën e pavarësisë!”
