Jahmir Hyka është zyrtarisht një lojtar i FC Lyzern. Sipas “Schweizer Fernsehen” (Televizionit zviceran), ish-lojtari i ardhur nga Tirana nënshkroi një kontratë deri në fund të qershorit 2012, por me opsionin e përtëritjes edhe për një vit tjetër. Mediat zvicerane raportuan gjerësisht për transferimin e mesfushorit sulmues shqiptar, duke i mëshuar faktit se Hyka ka luajtur te Mainz (Gjermani) dhe në Athinë te Olimpiakos dhe Panionos. Hyka është lojtar i Kombëtares shqiptare (21 ndeshje/1 gol) dhe që në moshën 16 vjeç ai debutoi me Dinamon e Tiranës në Kategorinë Superiore. Sezonin e kaluar, mesfushori 1.68 metra i lartë luajti me rekordmenin shqiptar përsa u përket titujve, Tiranën. Kjo e fundit e bleu kartonin e këtij lojtari nga Panioniosi për shifrën e 50 mijë eurove. Hyka dëshironte me çdo kusht që të ikte nga Greqia, ku pat shkuar vetëm në merkaton e verës së kaluar, pasi nuk po luante fare më ketë ekip. Në janar ai erdhi te Tirana dhe presidenti Halili bleu edhe kartonin e lojtarit. Por, pas gjetjes së akordit me zviceranët, Hyka u detyrua që të blinte vetë kartonin e tij nga Tirana.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama