Viti 2024 ishte viti më i nxehtë i regjistruar, me temperaturat që u rritën me 1.55 gradë Celsius në krahasim me kohërat para-industriale, tha OKB-ja , duke ngritur alarmin.
“Temperaturat e valës së të nxehtit të vitit 2024 kërkojnë veprime inovative klimatike në vitin 2025,” tha Sekretari i Përgjithshëm i OKB-së Antonio Guterres.
Për herë të parë në historinë moderne të planetit, kufiri prej 1.5 gradë i rritjes së temperaturës, i vendosur në Marrëveshjen e Parisit, është tejkaluar mesatarisht në dy vitet e fundit.
Nga ana e tij, Observatori Evropian i Kopernikut raportoi më herët se viti 2024 ishte me të vërtetë viti më i ngrohtë i regjistruar që nga viti 1850, kur filluan të mbaheshin të dhënat.
Viti 2025 nuk pritet të thyejë asnjë rekord, por Shërbimi vlerëson se do të jetë një nga tre vitet më të ngrohta në historinë e planetit.
NDIQE LIVE "PANORAMA TV" © Panorama.al
