Një i moshuar ka humbur jetën në rrethana tragjike mëngjesin e sotëm (21 maj) në Dibër.
Ngjarja e rëndë ndodhi në fshatin Brezhdan të Njësisë Administrative Kastriot dhe viktima është 70-vjeçari Haxhi Reçi.
Sipas hetimeve paraprake, sot në orën 08:00, i ndjeri ka qenë duke punuar në ahur (kasolle bagëtish) kur është rrëzuar aksidentalisht.
70-vjeçari ka marrë plagë të rënda në trup. Edhe pse u dërgua me urgjencë në Spitalin Rajonal Dibër, nuk mundi t’i mbijetonte dëmtimeve dhe fatkeqësisht ndërroi jetë.
Policia ka mbërritur në vendin e ngjarjes dhe po heton për dinamikën dhe shkaqet, teksa paraprakisht bën me dije se pista kryesore mbetet ajo e një ngjarjeje aksidentale.
© Panorama.al
