Kaosi dhe paniku mbizotëruan pasditen e sotme pasi dy tramvaje u përplasën në stacionin kryesor të Strasburgut.
Sipas asaj që kanë deklaruar autoritetet franceze, përfaqësues të autoriteteve lokale, zjarrfikësve, ekipeve të shpëtimit dhe dëshmitarëve okularë, dy tramvajet janë përplasur ashpër, ku njëri prej tyre ka qenë në stacion i pa lëvizur dhe tjetri e ka goditur me forcë.
Në momentin e aksidentit mësohet se kishte më shumë se 100 pasagjerë në dy trenat, ndërsa dhjetëra të tjerë prisnin të hipnin në platformën e stacionit.
Sipas kryebashkiakut të qytetit, nuk ka asnjë të vdekur, ndërsa mediat lokale raportojnë se pesë persona janë shtruar në spital me plagë shumë të rënda, por gjendja e tyre cilësohet si e qëndrueshme.
Personat që ndodhen në vendngjarje raportojnë se situata ka qenë kaotike, fakt që dëshmohet edhe nga videot e publikuara në rrjetet sociale.
Si ndodhi përplasja?
Lidhur me shkaqet e përplasjes mes dy tramvajeve, fillimisht u raportua se ka ndodhur kur drejtuesi i njërit ka injoruar një tabelë dhe ka futur dy trenat në të njëjtën shinë. Pas disa orësh mediat e zonës raportojnë se dy tramvajet kanë qenë fillimisht në të njëjtën shirit pasi po kalonin të njëjtën rrugë me disa minuta largësi.
Shoferi i tramvajit të parë, siç theksojnë ata, duke dalë nga tuneli u gjend në një demonstratë me qytetarët në linjat mesatare. Ai u kthye mbrapa, por nuk pa shenjën e ndalimit dhe përfundoi duke u përplasur me tramvajin e dytë të palëvizshëm që transportonte njerëz në platformën qendrore.
Ministria e Transportit e Francës njoftoi se dërgoi një ekip të posaçëm ekspertësh në Strasburg për të përcaktuar shkaqet e sakta të aksidentit.
NDIQE LIVE "PANORAMA TV" © Panorama.alTwo trains collide in Strasbourg, 🇫🇷France, leaving at least 50 injured#Strasbourg: collision entre deux trams à la gare pic.twitter.com/vnqfwjllVF
— 24 Hours Europe (@24heuropegr) January 11, 2025
