Egnatia ka vazhduar “traditën” përballë Vllaznisë, teksa ka mundur përsëri shkodranët në fushën e tyre, duke u konfirmuar si “macja e zezë” e kuqebluve. Por fitorja e sotme 2-0 në ”Loro Boriçi” kishte një shije më të veçantë, pasi u siguroi rrogozhinasve njëkohësisht edhe kryesimin të vetëm në Superiore.
Ndeshja u ndikua nga një episod i minutës së 16, kur gjyqtari me ndihmën e VAR-it, ndëshkoi me karton të kuq Dragoshin duke lënë vendasit në inferioritet numerik. Egnatia e kishte më të thjeshtë të kontrollonte lojën dhe të ndalte ofensivën e shkodranëve që u munduan të krijonin vetëm me goditje standarte.
Miqtë goditën në fillimin e pjesës së dytë kur Isgandarli me një aksion të shpejtë i dha avantazhin Egnatias. Më pas skuadra e Tetovës administroi me kujdes lojën duke ndaluar vrullin e shkodranëve që nisën të sulmonin me shumë forca.
Në fund, një gabim i Stojanoviç solli edhe golin e rezultatit përfundimtar 2-0 nga Duamena, duke bërë që Egnatia të largohej nga Shkodra përsëri me një fitore, ashtu siç kishte ndodhur edhe në edicionin e kaluar, teksa tashmë shkëputet e vetme në kryesim me 3 pikë diferencë nga Tirana që është ndjekësja më e afërt.
VLLAZNIA-EGNATIA 0-2
48′ Isgandarli, 90′ Duamena
KK: 17′ Dragoshi
NGJARJET KRYESORE
90’+6’ Mbyllet ndeshja me fitoren 2-0 të Egnatias.
90’+5’ Alivoda i lë vendin në fushë Becit në radhët e Vllaznisë.
90’+3’ Duamena i lë vendin në fushë Lemine në radhët e Egnatias.
90’ Jepen 6 minuta shtesë.
90’ GOOOL EGNATIA! Stojanoviç humb topin në mesfushë përballë Fernandos i cili më pas ia servir atë Duamenës për të shënuar me portën bosh. (VIDEO)
85’ Musta, Mëllugja dhe Lila hyjnë në fushë në radhët e Egnatias teksa i bëjnë vend Memolla, Zejnullau dhe Isgandarli.
83′ Vllaznia po sulmon pareshtur në këto minuta, duke tentuar që të gjejë barazimin e pse në inferioritet numerilk.
81’ Pas një goditje këndi të Vllaznisë, Fernando nis një kundërsulm për miqtë dhe provon të çojë sferën në të majtën te Isgandarli. Krymi ndalon gjithçka duke shmangur një rast të rrezikshëm.
75’ Boshnjaku dhe Sala i lënë vendin në fushë Dodev dhe Juriç në radhët e Vllaznisë.
71’ Fernando nis Duamenën me një top perfekt në thellësi, sulmuesi vonohet dhe bllokohet nga Stojanoviç, me Mëhidrin i cili kontrollon sferën. (VIDEO)
69’ Përsëri Paulauskas shfaqet rrezikshëm, këtë herë pas një pasimi të Duamenës, por Mëhidri kontrollon në dy kohë. (VIDEO)
67’ Delaj merr vendin e Grudës në radhët e skuadrës vendase.
67’ Memolla nga e majta harkon ën zonë për Paulauskas i cili gjuan me kokë, pa gjetur portën e Mëhidrit.
67’ Aksion i Stojanovicc në të majtën, harkimi i tij në zonë grushtohet nga Sherri, i cili më pas kontrollon edhe një tentativë parabole të Grudës. (VIDEO)
64’ Spahiu i lë vendin në fushë Paulauskas në radhët e Egnatias.
62’ Skuadrat janë shumë të hapura në fushë duke kaluar nga një zonë në tjetrën, por pa qenë të qarta në pasimin e fundit teksa shpërdorojnë mundësi për të rrezikuar portën kundërshtare.
58’ Karton i verdhë për Spahiun, i cili largoi topin pasi ishte dhënë faull kundër rrogozhinasve.
54’ Një goditje dënimi e shkodranëve krijon panik në zonën e Egnatias, me Sherrin i cili me vështirësi largon topin. (VIDEO)
50’ Shkodranët i afrohen shpejt barazimit me një gjuajtje me kokë të Alivodës, por Sherri përgjigjet në mënyrë perfekte dhe largon sferën. (VIDEO)
48’ GOOOL EGNATIA! Isgandarli kalon në avantazh miqtë me një diagonale perfekte. (VIDEO)
46’ Menjëherë presing i lartë i shkodranëve të cilët nuk lejojnë miqtë të organizojnë sulme tw rrjedhshme.
46’ Nis pjesa e dytë pa ndryshime në radhët e dy ekipeve.
45’+6’ Mbyllet pa gola pjesa e parë.
45’+5’ Pas një goditje dënimi, Alivoda gjuan fluturimthi por gjen përgjigjen e Sherrit në pozicion. (VIDEO)
45’+1’ Fangaj ndëshkohet me karton të verdhë pas një faulli ndaj Boshnjakut, vazhdojnë protestat nga të dy skuadrat.
45’ Jepen 4 minuta shtesë.
44’ Mëhidri bën mrekullinë ndaj një gjuajtje të Isgandarli, ndërsa më pas është Memolla i cili kryen faull në sulm, me shkodranët që protestojnë e kërkojnë karton. (VIDEO)
40’ Zejnullai tenton me të djathtën nga distancë e largët, përsëri pa gjetur portën e vendasve. (VIDEO)
38’ Loja vazhdon të ndërpritet shumë shpesh për shkak të faulleve të shumta që shoqërohen me protesta nga të dy skuadrat.
30’ Shkodranët mundohen të rrezikojnë me një goditje dënimi me skemë që nxjerr Balajn në zonë, por sulmuesi gabon në tentativën e tij pa gjetur portën.
29’ Në vijimin e një goditje nga këndi, topi shkon te Malota i cili gjuan menjëherë por fluturon sferën mbi traversë. (VIDEO)
27’ Kundërsulm i shpejtë i Egnatias, Isgandarli nis sferën te Duamena i cili në të majtën gjuan por gjen përgjigjen e Pusit i cili devijon jashtë.
23’ Isgandarli niset nga e majta e sulmit dhe lëshon një diagonale, që nuk shqetëson Mëhidrin pasi përfundon jashtë.
20’ Një tjetër goditje dënimi pranë kufijve të zonës së shkodranëve, këtë radhë është Fernando i cili godet barrierën.
16’-17′ Faull i rëndë i Dragoshit ndaj Spahiut, gjyqtari e ndëshkon me karton të verdhë futbollistin e Vllaznisë. Më pas VAR-i sinjalizon kryesorin që të rishikojë pamjet dhe ai ndërron mendje, duke treguar kartonin e kuq. (VIDEO VIDEO)
13’ Egnatia ka mundësinë të rrezikojë me një goditje dënimi në kufijtë e zonës, gjuajta e Duamenës bllokohet nga barriera.
10’ Spahiu provon me një gjuajtje nga distanca por e tepron pasi sfera shkon jashtë katërkëndorit.
8’ Përplasje të vazhdueshme në fushën e lojës mes lojtarëve të të dy skuadrave në një ndeshje që duket e tensionuar.
5’ Rasti i parë i ndeshjes është nga një gjuajtje e Zejnullait, i cili godet pas asisit të Isgandarli, por nuk gjen portën me sferën që shkon jo shumë larg katërkëndorit. (VIDEO)
3’ Mala nga e majta harkon në zonë e rrogozhinasve, askush nuk devijon drejt portës.
1’ Nis ndeshja në “Loro Boriçi”.
FORMACIONET ZYRTARE
VLLAZNIA: Mëhidri, Pusi, Krymi, Stojanoviç, Dragoshi, Alivoda, Boshnjaku, Sala, Gruda, Mala, Balaj.
Trajner: M. Memelli
EGNATIA: Sherri, Malota, Xhemajli, Memolla, Fangaj, Aleksi, Isgandarli, Zejnullai, Spahiu, Fernando, Duamena.
Trajner: E. Tetova
PANORAMASPORT.AL
NDIQE LIVE "PANORAMA TV" © Panorama.al
