Ky ishte një sezon i vështirë për futbollistët e Kombëtares shqiptare që luajnë jashtë dhe brenda vendit. Pjesa dërrmuese e legjionarëve nuk e kanë pasur aspak të lehtë, edhe pse nuk mungojnë ata që fundin e sezonit e kanë festuar si kampion.
Më pak me fat kanë qenë lojtarët si Ujkani dhe Roshi, skuadrat e të cilëve nuk arritën që të mbijetonin ndër më të mirat e Italisë dhe Gjermanisë. Po e nisim me Isli Hidin, që megjithëse ka luajtur shumë pak këtë sezon (90 minuta), në fund u shpall kampion me qipriotët e AEL Limasolit. Portieri shqiptar gjithsesi kaloi një vit të vështirë në këtë skuadër, pasi u aktivizua shumë pak. Kampion është shpallur edhe Besart Berisha në Australi me Brisbanën. Ai realizoi 21 gola, u shpall lojtari i vitit si dhe lojtari më mediatik. Sukajt gjithashtu i mjaftuan pak muaj për t’u ngjitur nga ferri në parajsë. U largua nga Vllaznia me një mori polemikash, por vetëm pak ditë më parë festoi titullin si kampion i Iranit me ekipin e Sepahanit. Gjergji Muzaka gjithashtu u shpall kampion me Skënderbeun. Përveç katër kampionëve që do të luajnë në Ligën e Kampioneve (jo Berisha, sepse luan në Australi), disa futbollistë të tjerë do të luajnë në Ligën e Europës. Kapiteni Lorik Cana do të marrë pjesë në këtë kompeticion me Lacion, gjithashtu edhe Jahmir Hyka i Luzernës, Edgar Çani i Polonia Varshavës, si dhe Gilman Lika i Tiranës. Bogdani shënoi katër gola me peshë për Sienën dhe i ndihmoi bardhezinjtë të mbijetonin në Serinë A. Në luftën për të mos rënë nga Kategoria ia dolën edhe Elis Bakaj me Kristi Vangjelin (Çernomorets), Dallku me Januzin (Vorskla), Andi Lila me Emiljano Vilën (PAS Janina) dhe Armando Sadiku (Lokarno). Samir Ujkani në fillim të sezonit theu dhëmballët dhe hundën te Novara, më pas theu edhe dorën në fushë, por gjithsesi ekipi i tij nuk arriti të mbijetonte në Serinë A. Pas vetëm një sezoni mes më të mirave, Novara ra nga kategoria, po me shumë gjasa portieri kuqezi do të largohet nga kjo skuadër gjatë kësaj vere. Nuk ia doli dot as Odise Roshi te Këlni, i cili zbriti në Bundesligën e Dytë.
Kombëtarja
Emri Vjeç Skuadra PozicioniPortierë
Hidi 32 AEL Limasol Kampion
Ujkani 24 Novara Ra nga kat.Mbrojtës
Teli 30 Karabak I katërti
Agolli 29 Karabak I katërti
Vangjeli 26 Çornomorets I nënti
Lila 26 PAS Janina I teti
Cana 28 Lacio I katërti
Dallku 28 Vorskla I teti
Curri 27 Gençlebirligi I nënti
Mavraj 24 Grojter Furth KampionMesfushorë
Bakaj 24 Çornomorets I nënti
Muzaka 27 Skënderbeu Kampion
Hyka 24 Luzern I dyti
Zeqiri 23 Rizespor I treti
Vila 24 PAS Janina I teti
Bulku 31 AZAL I shtati
Roshi 20 Këln Ra nga kat.
G.Lika 25 Tirana I tretiSulmues
Çani 22 Pol.Varshava I gjashti
Bogdani 35 Siena I 14-ti
Salihi 28 DC Junajtid Luhet ende
Berisha 26 Brisbane Kampion
Sukaj 24 Sepahan Kampion
Januzi 23 Vorskla I teti
Sadiku 20 Lokarno I nënti
Mavraj: I emocionuar që kthehem në Shqipëri
I emocionuar se do të shkelë në Shqipëri pas pesë vitesh. Atëherë ishte ende një djalosh me të ardhme, ndërsa sot është konfirmuar. Por, atëherë atij iu lutën për të ardhur me Shqipërinë dhe tifozët e mirëpritën… deri sa më në fund e quajtën tradhtar. Mërgim Mavraj është në një situatë të pazakontë dhe e di mirë se të enjten ose të premten, kur do të zbarkojë në Tiranë, do të ketë edhe shumë siklet. “Nuk e di nëse është momenti për të folur. Di vetëm të them se jam shumë i emocionuar”, thotë qendërmbrojtësi për “Panorama Sport”. Futbollisti kosovar me pasaportë shqiptare siguroi ngjitjen në Bundesligë me Grojter Furtin këtë sezon, dhe grumbullimi në Kombëtare do të ishte kurorëzimi i një sezoni të shkëlqyer.
