UPDATE- Komisioni Qëndror i Zgjedhjeve perfundoi numërimin e votave të hedhura në kutinë e gabuar edhe për njësinë 5. Pas mesdite KQZ mbylli numerimin e votave në njesine bashkiake numer 4.
Pavaresisht se procesi ka ecur normalisht, KQZ perjashtoi nje tjeter vezhgues te Partise Socialiste. Pas nje debati te shkurter me kreun i KQZ-se Arben Ristani, KQZ vendosi perjashtimin e tij, per sjellje jo korrekte.
Reagoi menjehere, perfaqesuesi ligjor i Partise Socialiste, Genci Gjonçaj duke i kujtuar Ristanit se kjo ishte hera e dyte qe perjashtonte nje vezhgues te PS-se, dhe se ai nuk kishte asnje lloj te drejte te perjashtonte vezhgues.
“Vëzhguesit tuaj duhet të sillen normalisht me institucionin, përndryshe nuk janë vëzhgues”- iu pergjigj Ristani.
Pas numërimit te njesisë nr.5, kandidati demokrat, Lulzim Basha vazhdon te ruaje avantazhin ndaj rivalit Rama me 82 vota
Nga numërimi i votave të njësisë 5, Basha mori 7 vota kundrejt 3 votave te marra nga Rama.
Komisioni Qendror i Zgjedhjeve do te vazhdoje neser me hapjen e kutive te tjera, duke nisur ne oren 10:00 me njesinë bashkiake nr.6.
Njësia 4
Në proces janë përfshirë 160 kutitë e 43 qendrave të votimit të njësisë bashkiake nr. 4 që përkon me KZAZ-në nr. 48 në Tiranë.
Debatet per kodet
Mbledhja u shoqerua me debate nga ana e perfaqesuesve te PS-se lidhur me integritetin e kutive dhe mosperputhjen e kodeve te sigurise.
Dita e djeshme u mbyll me numerimin e votave te ‘gabuara’ ne tre njesi, perkatesisht ate 2 dhe 3.
Ne njesine bashkiake numer 2, kandidati demokrat Lulzim Basha kishte 9 vota me shume, ndersa ne njesine bashkiake numer 3, Rama mori 14 vota me shume se rivali i tij.
Ne total, qe nga nisja e rinumerimit jane hapur 474 kuti dhe basha ruan avantazhin me 78 vota, ne krahasim me Edi Ramen.
Tension në KQZ, përjashtohet vëzhguesja e PS
UPDATE- Mbledhja e sotme e KQZ-se nis me tension mes kreut te komisionit Arben Ristani dhe vezhgueses se PS-se ne nje nga tryezat e numerimit te votave.
Sipas kreut te KQZ-se, Ristani ne ate tavoline ka gjithnje konfuzion dhe probleme, nderkohe qe ka akuzuar vezhguesen Anila Cobani per thyerje te kutise se votimit. “Per kete qe sapo bere ti nuk meriton te jesh me ne ate tavoline numerimi”- ka thene Ristani, duke kerkuar largimin e saj nga salla.
Ka kundershtuar menjehere, perfaqesuesja e PS-se, ne KQZ, Deshira Subashi, duke e quajtur absurde kalimin ne vote per nje propozim te tille. “Nuk mund te kaloni ne votim e me tej te hiqni me vote 4 me 2 vezhguesen”- ka thene Subashi. Por megjithe kete, vezhguesja eshte larguar pas votimit me shumice te thjeshte votash nga anetaret e KQZ-se.
Mbledhja e se dieles
Pas nje ndërprerje rreth orës 14:15, numerimi ka rifilluar pas orës 18:00.
KQZ po vijon me hapjen e kutive te njesise nr.3 ne Tirane, ndersa gjate paradites ka hapur kutite e njësisë nr.2.
Nga të gjitha kutitë e numëruara deri në këto momente kandidati i “Aleancës për qytetarin” Lulzim Basha është në avantazh ndaj kandidatit socialist, Edi Rama m.
Nga numërimi i njësisë nr.2, Basha mori 21 vota, kundrejt 13 votave qe mori Edi Rama.
Sipas projekt aktit te miratuar, numerimi i votave te hedhura ne kutine e gabuar behet nga 8 grupe numerimi, ne tryeza te posacme te vendosura ne sallen e mbledhjeve te KQZ dhe ne sy te vezhguesve te dy koalicioneve dhe anetareve te komisionit.
Rinumërimi nisi me kutitë e njësisë bashkiake nr 1 ose KZAZ 45 për të vijuar më pas me kutitë e KZAZ-ve të tjera sipas rendit rritës.
Secili grup i numërimit do të jetë nga dy anëtarë që i përkasin administratës së KQZ- së dhe do të hapë katër kutitë e të njëjtës qendër votimi.
Sipas kreut te KQZ-se, Arben Ristani, votat e gjetura në kutinë e gabuar do të kërkohen në zarfin e fletëve të kontestuara në secilën kuti, do të numërohen dhe rivlerësohen nga grupet e numërimit, dhe para se të tabulohen do t’i njoftohen KQZ-së, për t’i pasqyruar në tabelë.
Perfaqesuesi i PS-se, Genc Gjoncaj ka dekalruar se vezhguesit e PS-se jane njoftuar te ngrene doren per cdo rast kontestimi qe do te hasin gjate punes, nderkohe qe ka kerkuar qe ata vete te levizin per te ndjekur nga afer procesin.
Nje gje e tille eshte pranuar nga Ristani, edhe pse perfaqesuesi i PD-se, Kosovrasti ka kundershtuar duke e juastifikuar kete me krijimin e konfuzionit per shkak te mjedisit te ngushte.
Miratohet projekt akti
Pas debatesh per projekt-aktin qe percakton proceduren e veprimit te KQZ per hapjen e kutive dhe numerimin e votave te gabuara, komisioni e ka miratuar ate ne parim.
Mbledhja e sotme ka nisur me debate per miratimin e projekt- aktit për zbatimin e vendimit të Kolegjit Zgjedhor për hapjen e të gjitha kutive dhe numërimin e fletëve të hedhura në kutinë e gabuar dhe ne menyre te vecante per proceduren e numerimit.
Perfaqesuesi i PD-se, Njazi Kosovrasti, ka vleresuar vendimin e Kolegjit Zgjedhor ne vijim te punes se mire qe ka bere KQZ. “Une dhe PD kemi qene dakord gjate gjithe kohes ne menyre qe kerkimi dhe transparenca, vota e cdo qyteti dhene per kryetarin ose keshillat te vleresohen dhe te numerohen”- tha ai.
Ai ka kerkuar te saktesohet gjithe metodika qe do te ndiqet per te cuar ne vend vendimin e Kolegjit Zgjedhor.
Perfaqesuesi i PS-se, Genc Gjincaj ka kritikuar menyren e hartimit te ketij prijekt akti, qe sipas tij nuk eshte i njejte me eksperiencen e perdorur per hapjen e 117 kutive.
“Përmbajtja e këtij projekt akti nuk i afrohet asaj të 117 kutive. Në projekt akt vlerësimi i votës do bëhet nga grupi i numërimit, por në asnjë pikë të kodit nuk përcaktohet që grupi i numërimit të bëjë vlerësimin dhe tabulimin e votave. Mendoj që në këtë pikë duhet pasur kujdes pasi është vetë Kolegji Zgjedhor, që sqaron se do të jetë KQZ ai që do të bëjë vlerësimin e votës, pra ai dhe jo inspektorët e KQZ”- tha Gjoncaj.
© Panorama.al
