TIRANË- Kryetarja e Kuvendit, Jozefina Topalli ka njoftuar sot përmes një konference për mediat se ditën e hënë Kuvendi i Shqipërisë do të nisë sesionin e ri parlamentar.
Topalli ka bërë një pasqyrë të plotë të veprimtarisë së Kuvendit gjatë sesionit të shkuar, duke e cilësuar atë të suksesshëm dhe me një bilanc shumë pozitiv.
Ajo ka numeruar ligjet e miratuar, duke u ndalur ne miratimin e reformes zgjedhore, si shume te rendesishem per vendin.
Topalli: Rames i ka mbetur topi ne rrjet. Do bllokim te statusit
Topalli ka shprehur keqardhje per bllokimin qe i beri opozita nismes se maxhorances per heqjen e imunitetit, duke perserituar angazhimin e plote te shumices per heqjen e tij si nje nga kushtet themelore per integrimin e vendit ne BE.
“Bllokimi i 6 gushtit ka pasur qëllim bllokimin e statusit, por një gjë për ne është fondamentale dhe kjo tregohet përmes historikut të zhvillimit. Për ne rëndësi kapitale ka heqja e imuniteut dhe jo rrugët e heqjes se tij, ne do të ndjekim të gjitha rrugët ligjore dhe kushtetuese për heqjen e imunitetit, per te arritur një Shqipëri pa imunitete. Kjo nuk është inisiativë për kapital politik, është nismë e hershme”- tha Topalli.
Sipas saj, topi i ka mbetur në rrjetë Rames. “E vërteta është se ka një histori të iniciativave për heqjen e imuniteteve që fillon nga viti 2003 dhe vijon me vitet 2005, 2007 dhe 2012 me iniciativë të PD-së. E diskutuar 1 vit e gjysëm me Uralius dhe Paca, opozita refuzoi propozimin ndërsa mazhoranca pranoi ndryshimet e tjera pas negociatave Majko dhe Paloka. Mbase nuk e besoni se mazhoranca do i pranonte të gjitha propozimet. Unë nuk kam më të voglin dyshim se 6 gushti kishte si qëllim bllokimin e statusit. Por sic e thashë për ne ka rëndësi kapitale heqja e imuniteti dhe jo rruga e heqjes së tij dhe do ndjekim çdo rrugë”,- tha kryeparlamentarja.
© Panorama.al
