Kryetarja e Kuvendit te Shqiperise, Jozefina Topalli ka shprehur ngushellimet e saj me te sinqerta per ndarjen nga jeta te ambasadores çeke ne Tiranë, Marketa Fialkova.
Marketa Fialkova ishte një personalitet që u shqua për aktivitetin e saj politik në lëvizjen antikomuniste të viteve ’90 në vendin e saj, një luftëtare e të drejtave të njeriut dhe një mbështetëse e vendosur për zbardhjen e padrejtësive ndaj të persekutuarve nga regjimi komunist, një diplomate e spikatur, një besimtare e Bashkimit Europian, thuhej ne ngushellimin e Topallit.
Kryetarja e Kuvendit vlerëson shumë kontributin e çmuar të Ambasadores Fialkova në intensifikimin dhe konsolidimin e metejshëm të marrëdhënieve te shkëlqyera mes dy vendeve dhe në mbështetjen e palëkundur, si një përfaqësuese e një vendi të Bashkimit Europian, në proceset integruese të Shqipërisë.
