Edhe pse është sezon plazhi, ne tashme i kemi konsumuar më shumë se një herë recetat e peshkut. E vërtetë që nuk kemi folur ende për frutat e detit, por gjatë kësaj kohe qe jeni në plazh, të paktën ju që jeni në Shqipëri e që e ndiqni rubrikën tonë, e dini që kudo që të shkosh në Jug të Shqipërisë apo në plazhe të tjera afër Tiranës, nuk është se të zë syri ndonjë recetë mbresëlënëse, aq sa për të kërkuar me ngulm kuzhinierin e restorantit e për t’i kërkuar sekretet e recetës. E vetmja e mirë e justifikueshme e pushimeve këtu është deti bashkë me prodhimet e tij me gatime fare të thjeshta, pra të pjekura në skarë apo ndonjë sallatë ku edhe majdanozi, vende-vende, duket sikur është produkt “i jashtëm”. Kështu, recetat që kishin ardhur në e-mailin që keni në dispozicion, i përdorëm tani, edhe pse është pikërisht koha e tyre. Të gjitha amvisat e dinë që kjo është periudha më e mirë për të bërë gliko, sidomos bostani. Pushuesit e ardhur nga jashtë i dëgjoj ta kërkojnë gjithandej… Prandaj po ju ofrojmë më shumë se një recetë nga mikesha jonë Brunhilda.
Një tjetër mik i herëpashershëm i kësaj rubrike, Genti, na ka dërguar foton e një antipaste peshku (meqë s’mund të mungonte ky produkt). E kotë t’ju themi edhe recetën, sepse profesionisti i kuzhinës mban gjithnjë disa sekrete vetëm për vete… Vetitë mbrojtëse shëndetësore të borzilokut të vijnë nga dy zonat, flavonoidet dhe vajrat e paqëndrueshme.
Gjithashtu, meqë një ndër erëzat e preferuara të stinës është borziloku, po ju tregojmë disa nga vetitë e tij. Recetat, një numër më vonë… Vapë të lehtë!
Vetitë e borzilokut
– Borziloku përmban Orientin dhe Vicenin, dy flavonoide të tretshme në ujë që mbrojnë strukturat qelizore dhe kromozomet nga rrezatimi dhe dëmet e oksigjenit në bazë (kjo do t’ju ndihmojë të qëndroni të rinj- nuk përmban radikale të lira dhe dëme oksidative që plakin trupin tuaj).
– Vajrat e paqëndrueshme të përmbajtura në borzilok – estragole, linalool, cineole, eugenol, sabinene, myrcene dhe limonene – janë antibakteriale dhe kanë treguar se pengojnë disa lloje të baktereve patogjene (stafilokokun ,enterocoçus dhe pseudomonas) që janë bërë rezistent ndaj përdorimeve të shpeshta të antibiotikëve.
– Shtojuni më shumë borzilok të freskët dhe trumzë recetave tuaja që nuk janë të gatuara ( si sallata) për t’u siguruar që ushqimi juaj të jetë i sigurt (kjo për ato vende ku cilësia e ujit mund të jetë e dyshuar).
– Eugenoli në borzilok është anti-inflamator – ka një ndikim të ngjashëm si aspirina (dhe shumë më pak të dëmshme për trupin tuaj) në lidhje me anti-inflamatorët e tjerë.
– Një burim i mirë i beta-carotenit e cila mbron qelizat nga dëmtimi i radikaleve të lira dhe ndihmon në parandalimin e radikalëve të lira nga oksidimi i kolesterolit në qarkullimin e gjakut.
– Një burim i mirë i magnezit që ndihmon sistemin kardiovaskular duke relaksuar muskujt dhe enët e gjakut dhe duke përmirësuar rrjedhën e gjakut, zvogëlon rrezikun e ritmeve të parregullta të zemrës.
– Është gjithashtu një burim i shkëlqyer i vitaminës K , vitamina K në borzilok është thelbësore për shumë faktorë mpikës në gjak dhe luan rol të rëndësishëm në funksionimin e forcimin e kockave, duke ndihmuar procesin e mineralizimit në eshtra.
– Borziloku është një burim gjithashtu i shkëlqyer i hekurit (rreth 26% e RDA). Hekuri, duke qenë një pjesë përbërëse e hemoglobinës në brendësi të qelizave të kuqe të gjakut, i përcakton oksigjenit kapacitetin bartës të gjakut.
– Borziloku nuk është një ushqim i zakonshëm alergjik dhe nuk është i njohur të përmbajë sasi të oksalatës ose purinës.
– Borziloku për të përfituar nga vetitë e tij këshillohet të përdoret i freskët dhe t’i shtohet në fund gatimeve.
Gliko Luleshtrydhe
Përbërësit:
2 kg luleshtrydhe dhe 2 kg sheqer
Përgatitja:
Marrim luleshtrydhe e pjekura por të forta, jo të qullëta. I pastrojmë dhe i vëmë në një tenxhere. Pastaj shtojmë aty edhe sheqerin, e mbulojmë me një pecetë dhe e lëmë gjithë natën që të nxjerri lëng… Të nesërmen e marrim tenxheren dhe e vëmë në zjarr të ngadaltë që të ziejë. Duhet ta ziejmë shumë ngadalë, jo me furi, në mënyrë që mos të prishen frutat. Mua më zgjati rreth 40 minuta zierja. Pastaj, në një pjatë filxhani bëni provën për trashësinë e lëngut(shurupit). Nëse shurupi nuk është i trashë sa duhet, hiqini frutat dhe shurupin e zieni veçmas sa të trashet. Pastaj, hidhni frutat te shurupi. Hidhni një luge çaji në pjatë dhe hapeni. Pasi ftohet, e shikoni sa i trashë është shurupi. Pasi shurupi ka marrë trashësinë e duhur, e hiqni nga zjarri dhe e mbuloni tenxheren me një pecetë të lagur lart. E lini ashtu gjithë natën, në mënyrë që frutat të pinë shurupin dhe të fryhen mirë. Te nesërmen e mbushni nëpër vazo.
Gliko Bostani
Bostanin nuk e kisha
Bostanin nuk e kisha
lëkurë trashë dhe u detyrova mos t’ia hiqja komplet pjesën rozë, por më doli përsëri jashtëzakonisht i mirë. E provova në këtë mënyrë, por ata që e kanë bostanin lëkurë hollë le ta shikojnë që edhe pa ja hequr komplet pjesën rozë del shumë i mirë…
Përbërësit:
Një kg lëkura të qëruara bostani
1 kg sheqer
pak lëng limoni
një gotë e gjysmë më ujë
2 lugë gëlqere
3 litra ujë
ca gjethe idërshaje apo barbaroze
Përgatitja:
I qërojmë lëkurat e bostanit. Unë i bëj me thikë dhe me dhëmbëza anash…
Mundësisht ja hiqni komplet pjesën roze po e patët lëkure trashë bostanin.
Vëreni në ujin e gëlqeres për 2-3 orë. Aty hedhim lëkurat e bostanit.
Pasi kanë kaluar dy orë, e marrim e shpëlajmë mirë dhe e vëmë për të zier nja //dhe ua derdhim ujin.
Pastaj bëjmë shurupin e hedhim aty koret
I lëmë të ziejnë së bashku derisa shurupi të trashet dhe lëkura bëhet e tejdukshme. Kuptohet kur është gati, pasi bën njëfarë zhurme si fishkëllime..
Në fund fare shtoni lëngun e limonit dhe gjethet, kush i ka qejf. Disa nuk i vënë asgjë, pasi kanë qejf erën karakteristike të bostanit…
[email protected]
Dërgoni recetat tuaja!
