Autoritetet amerikane kanë nisur një operacion të gjerë kërkimi pasi dy studentë u vranë dhe nëntë persona të tjerë u plagosën gjatë një sulmi me armë zjarri në Universitetin Brown, në shtetin e Rhode Island, raporton BBC.
Sipas zyrtarëve, autori hapi zjarr në një klasë rreth orës 16:00 me kohën lokale, në ndërtesën e inxhinierisë Barus and Holley, në pjesën lindore të kampusit të universitetit prestigjioz, ku po zhvilloheshin provimet përfundimtare.
Zyrtarë nga Spitali i Rhode Island bënë të ditur se shumica e të plagosurve ndodhen në gjendje kritike, por të stabilizuar, ndërsa spitali është futur në regjim izolimi për shkak se i dyshuari ende nuk është kapur.
Urdhri për qëndrim në ambiente të mbyllura vazhdon të jetë në fuqi për zonën përreth Universitetit Brown. Identitetet e viktimave dhe të të plagosurve nuk janë bërë ende publike.
Help find this Person of Interest.
If you have any information, please call 1-800-CALL-FBI (225-5324) or https://t.co/iL7sD5efWD. pic.twitter.com/AkFDVtOCmw
— FBI (@FBI) December 14, 2025
“Ky është një moment që shpresonim të mos vinte kurrë për komunitetin tonë. Është thellësisht shkatërrues për të gjithë ne,” deklaroi presidentja e Universitetit Brown, Christina Paxson.
Policia ka dhënë informacion të kufizuar për të dyshuarin, por ka publikuar pamje nga kamerat e sigurisë ku ai shihet duke dalë nga ndërtesa pas sulmit. Në pamje nuk dallohet qartë fytyra e tij dhe as ndonjë armë.
© Panorama.al
