Klubi i Vllaznisë ka prezantuar për tifozët shkodranë uniformën e parë që kuqeblutë do të veshin në sezonin e ri që fillon pas pak ditësh. Në fakt, bëhet fjalë për uniformat e “vjetra”.

Nëpërmjet rrjeteve sociale, duke prezantuar këto uniforma, klubi ka bërë të ditur se do të mbajë përsëri uniformën e edicionit të kaluar, për shkak të kërkesave të mëdha që ka pasur për to nga tifozët, si dhe faktin se ato janë unike pasi kanë në dizajnin e tyre edhe hartën e rrugëve të Shkodrës.

NJOFTIMI I VLLAZNISË.

KF Vllaznia prezanton uniformën e parë, atë me të cilën ekipi do t’i luajë ndeshjet në shtëpi për sezonin 2024-2025.

Nisur nga kërkesat e shumta që kemi patur sezonin e kaluar për fanellën e krijuar me rastin e 105 vjetorit të klubit, është vendosur që të mbahet i njëjti dizajn edhe për sezonin e ri, i cili përpos ngjyrave tradicionale të klubit tonë, përmban dhe hartën e rrugëve të Shkodrës.

PANORAMASPORT.AL

NDIQE LIVE "PANORAMA TV"

---