Vllaznia i shkakton humbjen e parë në këtë sezon kampionëve të Egnatias. Skuadra e Brdariç triumfoi me rezultatin 3-1 në sfidën e zhvilluar mbrëmjen e sotme në “Loro Boriçi”. 

Mala hapi serinë e golave në minutën e 16-të, ndërkohë që rrogozhinasit u kundërpërgjigjën me Ujkën në minutën e 28-të. 

Teksa po shkonte minuta e 40-të, ishte Klinti Qato që rrëmbeu skenën me një supergol të shënuar nga distanca. Pjesa e parë u mbyll me shifrat 2-1. Për golin që do të vuloste shifrat në 3-1 mendoi kapiteni Bekim Balaj në minutën e 49-të.  

Falë këtij triumfi Vllaznia është ngjitur në kuotën e 7 pikëve, po aq sa Egnatia. Në sfidën e radhës shkodranët do të përballen në transfertë me Teutën, ndërsa Egnatia do të presë Bylisin.  

FT: VLLAZNIA-EGNATIA 3-1

Mala 16′, Qato 40′ , Balaj 49’/ Ujka 28′

NGJARJET KRYESORE: 

90′ Akordohen 5 minuta shtesë!

90′ Largohet nga fusha Malota, vendin e tij e merr Drame.

87′ Stojanoviç është i ndëshkuari i radhës me karton të verdhë.

83′ Ndëshkohet me karton të verdhë edhe Malota, ndërkohë Brdariç largon nga fusha Qaton, vendin e tij e merr Bajrami.

79′ Zëvendësim te Vllaznia, largohet Delaj, vendin e tij e merr Çoba.

75′ Tre zëvendësime te Egnatia, aktivizohen Rama, Zhoel dhe Ahmetaj, largohen Vuthaj, Fangaj dhe Zejnullai.

73′ Zëvendësim te Vllaznia, largohet Alivoda, vendin e tij e merr Sala.

69′ Qato provon me të djathtën, por kësaj here tentativa e tij shkon jashtë kuadratit.

61′ Pranë golit Egnatia me Jahaja, por tentativa e tij shkon jashtë kuadratit. (VIDEO) 

59′ Zëvendësim te Egnatia, largohet Lushkja në vend të tij Jahaja.

49′ GOOOOL VLLAZNIA 3-1/ Shënon edhe Bekim Balaj, sulmuesi godet saktë brenda zonës, pas asistit të Qatos. (VIDEO) 

46′ Starton pjesa e dytë,  nuk ka zëvendësime.

Mbyllet pjesa e parë! 

45+3′ Ndëshkohet me karton të verdhë edhe Balaj për ndërhyrje të gabuar ndaj Ndrecës.

45+2′ Pranë golit të barazimit Egnatia, me Fangaj, por futbollisti i skuadrës rrogozhinase nuk koordinohet siç duhet me kokë brenda zonës. (VIDEO) 

45′ Akordohen 3 minuta shtesë!

43′ Traversa i mohon spektakolar Delajt, i cili provoi me një predhë nga distanca, por traversa i vjen në ndihmë portierit Dabjani (VIDEO) 

40′ GOOOOOL VLLAZNIA 2-1/ Eurogol i Klinti Qatos, shpërthen sërish festa në “Loro Boriçi”. Predha e mesfushorit nga distanca, ka përfunduar në rrjetën e portës së mbrojtur nga Dabjani. (VIDEO) 

35′ Xhemajli është futbollisti i dytë që ndëshkohet me karton të verdhë pas Albano Aleksit.

28′ GOOOOOL EGNATIA 1-1/ Ujka rrëmben mjaft bukur topin dhe gjen baraspeshën pas një mosmarrëveshje mes Stojanoviç dhe Gurishtës, që përplasen së bashku. (VIDEO) 

22′ Albano Aleksi është i ndëshkuari i parë i sfidës me karton të verdhë për ndërhyrje të gabuar ndaj Alivodës në mesfushë.

16′ GOOOOL VLLAZNIA 1-0/ Zhbllokohet sfida në “Loro Boriçi”. Esat Mala kalon në avantazh shkodranët.  Tentativa e Malës nga jashtë zonës, u devijua nga mbrojtësi Malota dhe përfundoi në rrjetë. (VIDEO) 

5′ Ritëm i kënaqshëm me të dyja skuadrat që kërkojnë golin e avantazhit.

1′ Starton sfida në “Loro Boriçi”.

FORMACIONET ZYRTARE

VLLAZNIA: Qarri, Gurishta, Juriç, Stojanoviç, Jago, Krymi, Alivoda, Qato, Mala, Delaj, Balaj.
Trajner: Tomas Brdariç

EGNATIA: Dabjani, Alijev, Malota, Xhemajli, Fangaj, Ndreca, Aleksi, Zejnullai, Ujka, Lushkja, Vuthaj.
Trajner: Edlir Tetova

PANORAMASPORT.AL

NDIQE LIVE "PANORAMA TV"

---