Mançester Junajtid është kthyer me një fitore në kampionat, duke i shuar disi zërat për krizën te “djajtë e kuq” dhe për largimin e Erik ten Hag. Përballë në fakt nuk ishte një kundërshtar i parezistueshëm pasi Mançester Junajtid vihej kundër Sauthemptonit i cili mbyll tabelën.

Por fitorja 3-0 lë pak vend për diskutim, ashtu si edhe fakti që protagonistë në golat e Junajtid ishin dy emra shumë të diskutuar. I pari ishte mbrojtësi De Ligt, i kritikuar për deklaratat e tij dhe paraqitjet me Holandën, pasi ai i dha avantazhin ekipit në minutën e 35-të. Ndërsa pak më vonë ishte Rashford i cili dyfishoi shifrat para fundit të pjesës së parë.

Në fraksionin e dytë të lojës, Junajtid administroi forcat për të shkuar te fitorja, e cila u vulos me golin e shënuar nga Garnaço në minutat shtesë të ndeshjes. Kësisoj, Junajtid siguroi fitoren e dytë në katër javë, pas dy humbjeve radhazi, duke u ngjitur në kuotën e 6 pikëve.

GOLI I DE LIGT (VIDEO)

GOLI I RASHFORD (VIDEO)

GOLI I GARNAÇO (VIDEO)

PANORAMASPORT.AL

NDIQE LIVE "PANORAMA TV"

---