Një ngjarje e pazakonte ka ndodhur sot në ndeshjen mes Lirisë së Prizrenit dhe Trepça ’89 në kategorinë e dytë kosovare të futbollit.

Skuadra e Lirisë, e cila drejtohet nga Bledar Devolli, po fitonte 1-0 sfidën kur portieri kundërshtar doli në sulm në sekondat e fundit, në një goditje këndi, në tentativën për të barazuar rezultatin.

Por skuadra e Lirisë nisi një kundërsulm me Kasume i cili po shkonte drejt portës. Megjithatë, ai u përplas nga shoku i tij i skuadrës, Kulula, i cili e hodhi në tokë dhe i mori topin duke vazhduar ai drejt portës për të shënuar golin e rezultatit përfundimtar 2-0.

PANORAMASPORT.AL

NDIQE LIVE "PANORAMA TV"

---