Dinamo e bën “sefte” në Superiore. Blutë e trajnerit Xhafa, mposhtën mbrëmjen e sotme Elbasanin me rezultatin 2-1, në një sfidë që rezultoi tepër emocionuese!  

Mandela zhbllokoi rezultatin në minutën e 65-të, ndërsa në të 77-n ishte Musta ai që vendosi sërish shifrat në baraspeshë.

Për të siguruar fitoren mendoi Dejvi Bregu, i cili i dha tre pikët Dinamos pas golit të shënuar nga penalltia në minutën e 91-të

FT: DINAMO-ELBASANI 2-1

Mandela 64′, Bregu 90+1′ (p) / Musta 78′

KOMENTI LIVE:

Mbyllet sfida!

90+1′ GOOOL DINAMO 2-1/ Dejvi Bregu kësaj here nuk gabon nga pika e bardhë e penalltisë duke përshëndetur rrjetën! (VIDEO) 

90′ Akordohen 7 minuta shtesë!

89′ Penallti për Dinamon, e shkarkon Bledar Lila, i cili ndëshkohet me karton të verdhë, për ndërhyrje të gabuar ndaj Tiagos. (VIDEO) 

78′ GOOOOOL ELBASANI 1-1/ Vendoset baraspesha! Kuqeblutë gjejnë rrugën e rrjetës me Mustën, që ishte në vendin dhe momentin e duhur. (VIDEO) 

73′ Dinamo mbetet me 10 lojtarë, Gudiabi, nderhyn me taka ndaj Kases, pas konsultave me sistemin VAR, gjyqtari Lata e ndëshkon me karton të kuq mesfushorin e Dinamos. (VIDEO) 

64′ GOOOOL DINAMO 1-0/ Zhbllokohet sfida, Mandela kalon në avantazh blutë, me një gjuajtje të kalibruar nga distanca, duke mposhtur portierin Totoshi që shikon topin ti përplaset në tokë dhe të përfundojë në rrjetë! (VIDEO) 

56’  Rast i mirë për Dinamon, Zabërgja me kokë nuk arrin të shënjestrojë kuadratin.

48′ Lila rrëzohet brenda zone dhe Elbasani pretendon për penallti, por arbitri vazhdon lojën duke e konsideruar të rregullt ndërhyrjen. (VIDEO) 

46′ Starton pjesa e dytë!

Mbyllet pjesa e parë!

45+1′ Dinamo shfaqet e rrezikshme në këto minuta të fundit të pjesës së parë, por gjuajtja e Zabërgjës, shkon mbi kuadrat!

45′ Akordohen 2 minuta shtesë!

40′ Dinamo kundërpërgjigjet me Mandelën, por sulmuesi nuk përfiton nga grushtimi jo i duhur i topit nga portieri Totoshi.

38′ Shans i artë i Elbasanit me Hilën, por portieri Sali bën shpëtimtarin, duke ndalur tentativën e mesfushorit. (VIDEO)

24′ Ndëshkohet me karton të verdhë edhe Edon Hasani për ndërhyrje të gabuar ndaj Zabërgjës.

22′ Bruno Lulaj ndëshkohet me karton të verdhë për faullin ndaj Lorenco Vilës në mesfushë.

15′ Elbasani provon me goditje standarte, por i vëmendshëm portieri Sali, që kontrollon zonën.

10′ Minuta me ritëm, të dyja skuadrat kërkojnë të ushtrojnë presion te portat respektive, por mungon saktësia.

2′ Rastin e parë të rrezikshëm e krijon Elbasani me Gjonin, por tentativa e tij ndalet nga Sali. (VIDEO)

1′ Nis dueli në “Elbasan Arena”

FORMACIONET ZYRTARE

DINAMO: Sali, Muzek, Hoxha, Zabërgja, Gudiabi, Mandela, Vila, Karamba, Dita, Meksi, Lorran

Trajner: Erjon Xhafa

ELBASANI: Totoshi, Lulaj, Qaqi, Dros, De Melo, Kasa, Hasani, Hila, Musta, Lila, Gjoni

Trajner: Roberto Bordin

PANORAMASPORT.AL

NDIQE LIVE "PANORAMA TV"

---