Mançester Junajtid dhe Çelsi kanë ndarë pikët në kryendeshjen e javës së 10 të kampionatit anglez të futbollit, në një sfidë argëtuese, por edhe të tensionuar mes dy skuadrave.,

Dueli ka qenë i balancuar, me skuadrat që u përpoqën të gjenin golin, por pa shumë sukses në pjesën e parë. Në fraksionin e dytë të lojës, ishte fillimisht Junajtid që gjeti avantazhin me penalltinë e kapitenit Bruno Fernandes. Por rezultati i barazua brenda pak minutash nga goli i Kaisedo.

Kjo bëri që fundi i ndeshjes të ishte i ethshëm me raste nga të dy anët e fushës, por edhe i tensionuar. Në fushë pat edhe përplasje mes lojtarëve pas një faulli të Martinez ndaj Palmer, me argjentinasin i cili i shpëtoi kartonit të kuq.

Ndaj në fund sfida u mbyll me shifrat 1-1, duke lënë Çelsin në vendin e katërt në klasifikim, ndërsa Mançester Junajtid vazhdon të zbresë shkallët e renditjes dhe tani gjendet në pozicionin e 13-të.

MANÇESTER JUNAJTID 1-1 ÇELSI

69′(p) Fernandes – 74′ Kaisedo

Goli i Fernandes: (VIDEO)

Goli i Kaisedo: (VIDEO)

FORMACIONET ZYRTARE

PANORAMASPORT.AL

NDIQE LIVE "PANORAMA TV"

---